Դպրոցի մասին

      Երևանի  Ստեփան  Զորյանի անվան  հ. 56 հիմնական դպրոցը  հիմնադրվել է 1947 թ. սեպտեմբերի 1-ին, անվանակոչվել է 1968թ.հոկտեմբերի 14-ին: Դպրոցի մասնաշենքը 2007-2008 թթ. ուժեղացվել-վերակառուցվել է Լինսի  հիմնադրամի Դպրոցաշինություն ծրագրի շրջանակներում` համապատասխանեցվելով ՀՀ գործող սեյսմիկ նորմերի: Դպրոցի ձեռք բերումները բարձր գնահատականի են արժանացել թե՛ կրթության, թե՛սպորտի, թե՛ հայրենասիրական դաստիարակության ոլորտներում` ստանալով մրցանակներ, պատվոգրեր և խրախուսանքներ: Դպրոցի ուսուցչական անձնակազմը, իր ամենօրյա խստապահանջ  աշխատանքի շնորհիվ կարողանում է ապահովել և՛բարձր առաջադիմություն, և՛ աշակերտների ակտիվ մասնակցություն , թե՛ համադպրոցական  և թե՛ տարբեր մակարդակների արտադպրոցական միջոցառումներին: Դպրոցում ուսումնասիրվում  են   ՀՀ ԿԳՆ կողմից  պլանավորված բոլոր ուսումնական առարկաները, ուսուցանվող օտար լեզուներն են ֆրանսերենն ու անգլերենը: Դպրոցը ներգրավված է այլ ընտրանքային կրթության մի շարք ծրագրերում  և դասընթացներում`  Ֆրանսերենի  խորացված  ուսուցում, Կենգուրու, Ռուսականարջուկ, Մեղու, Ֆրանսիականաքաղաղ, Բնականմիջավայրը  և ես, ինչպես նաև գործում են սպորտային,  թատերական  և տարբեր առարկայական խմբակներ: Աշակերտների մոտ ալգորիթմական մտածողության ձևավորման նպատակով2016-2017 ուստարում ստեղծվել է ռոբոտաշինության  խմբակ, որտեղ  ներգրավված  են 5-9-րդ դասարանների  աշակերտները: Դպրոցում վճարովի հիմունքներով իրականացվում են հանրակրթական լրացուցիչ կրթական ծառայություններ. Գործում են ժամանցային անգլերենի  դասընթացներ  և երկարօրյա  խմբեր: Համակարգչային  դասասենյակը  զինված է ժամանակակից կրթության պահանջներին համապատասխան  նյութատեխնիկական բազայով և նորագույն  տեխնոլոգիաներով՝ համակարգիչներ,  էլեկտրոնային  գրատախտակ: Դպրոցի գրադարանը ընդարձակ է, հարմարավետ: Կարևորելով աշակերտների ռազմահայրենասիրական  դաստիարակությունը` դպրոցի  ռազմագիտության  կաբինետը և հրաձգարանը անվանակոչվել են Արցախյան  պատերազմում զոհված ազատամարտիկներ, դպրոցի նախկին շրջանավարտներ Գագիկ  Գևորգյանի  և Անդրանիկ  Ներսիսյանի  անուններով: Մեր ուսումնական հաստատությունը համագործակցում է dasaran.am  կրթականծրագրի, ՀՀ-ում Ֆրանսիայի  դեսպանատան, Վ. Բրյուսովի անվան պետական լեզվահասարակագիտական  համալսարանի, Կարմիր  Խաչ ընկերության, Վանաձորի թիվ 24 և Վանաձորի  Ստեփան  Զորյանի  անվան  դպրոցների, ինչպես նաև քաղաքային մի շարք  գրադարանների  հետ: Dasaran.am ծրագրի հետարդյունավետ համագործակցության արդյունքում 2015 թ. Պաշտպանության նախարարության կողմից դպրոցին անհատույց  օգտագործման  հիմունքներով  տրամադրվել է ռազմամարզական  վարժասարք:  Դպրոցում  իրականացվում  է արդեն ավանդույթ դարձած, աշակերտների  հայրենասիրական և քաղաքացիական դաստիարակությանը նպաստող բազմաբնույթ միջոցառումների ամենամյա ծրագիր` Ստեփան Զորյանի ծննդյան տարեդարձին նվիրված միջոցառումների շարք, խոնարհման դաս գրողի շիրմի մոտ` Կոմիտասի անվան քաղաքային պանթեոնում: Հայոց բանակի ծննդյան տարեդարձին նվիրված միջոցառումներ, Հայոց եղեռնի զոհերի հիշատակին նվիրված ազգային տուրք, նվիրատվություն «Հայաստան» համահայկական հիմնադրամին: Վերը նշված աշխատանքների շնորհիվ դպրոցը բազմիցս արժանացել է բազմաթիվ խրախուսանքների, պարգևների  և շնորհակալագրերի: Դպրոցի կոլեգիալ կառավարման մարմնի խորհրդի անդամներն են ` Մելքոնյան Գեղամ Նիկոլայի, Մուրադյան Մերի Խաչիկի, Սիմոնյան  Էսթեր Սերգեյի, Պետրոսյան Շուշան Ֆերդինանդի, Մանթաշյան Մհեր Յուրայի, Սարգսյան Անի Յուրայի, Ամիրյան Մարինա Ռոբերտի, Աբրահամյան Անահիտ Ալբերտի: